Некалькі дзён таму ў Даніі адбылося беларускае Купалле, якое наведала менеджарка культуры і журналістка Марына Грыц.
Марына распавядае пра асаблівасці беларускага Купалля ў гэтай краіне:
-Летась яны ўпершыню сабраліся і вырашылі, што прыйшоў час скакаць праз вогнішча, вадзіць карагоды, пускаць вяночкі. І гэта было неймаверна прыгожа, бо людзі засумаваліся па беларускай традыцыі.
Па словах Марыны Грыц, беларуская дыяспара ў Даніі зусім невялікая:
-Літаральна лічаныя людзі туды пераехалі пасля 2020 года. Бо Данія не дае прытулку. Прынамсі, яна не настолькі папулярная, як Польшча ці Германія. І таму тут невялікая дыяспара, а актыўная частка – каля 100 чалавек.
На святкаванне Купалля сабралася каля паўсотні беларусаў Даніі разам з запрошанымі сябрамі.
Цалкам гутарка:
Фота: facebook.com/talaka.dk
Беларускае Радыё Рацыя
