Сёлета Цэнтр беларускай культуры, які нядаўна паўстаў у Беластоку, распачаў свой кніжны праект. Сярод першых кніг, выдадзеных ім, – зборнік апавяданняў Міхала Андрасюка «Żubr i inne opowiadania» ў перакладзе на польскую мову Марціна Рэмбача.
Пра прэзентацыі, якія адбудуцца на Беласточчыне, распавёў аўтар кнігі – Міхал Андрасюк:
– Першая прэзентацыя адбудзецца 18 кастрычніка ў маёй роднай Гайнаўцы, у Цэнтры прамоцыі рэгіёну «Czerlonka». Пачатак 17.00. І праз пару дзён, 22 кастрычніка, адбудзецца ў Беластоку ў клубе «Zmiana Klimatu» на вуліцы Варшаўскай. Пачатак 18.30. Месца таксама вядомае ўсім, хто любіць літаратуру.
Міхал Андрасюк аўтар 10 кніг прозы і адной кнігі вершаў. Лаўрэат шэрагу літаратурных прэмій. Кніга «Белы конь» атрымала прэмію прэзідэнта горада Беласток імя Веслава Казанецкага. Ён таксама лаўрэат 2-й прэміі імя Ежы Гедройца і прэміі «Гліняны Вялес» за кнігу «Поўня».
Беларускае Радыё Рацыя
