Трэцяга ліпеня, у чацвер, Павел Гарадніцкі грае ў Варшаве ў кінатэатры Atlantic (ul. Chmielna 33) монаспектакль паводле вершаў Мікіты Найдзёнава «Мужчыны плачуць». Пачатак 19.00.
На сцэне — толькі адзін акцёр і раяль, які становіцца паўнавартасным суразмоўцам героя.
Раяль тут — і спавядальня, і партнёр, і люстэрка.
Пастаўлены паводле вершаў Мікіты Найдзёнава, спектакль з’яўляецца даследаваннем мужчынскіх пачуццяў, унутранай уразлівасці і ціхага болю, пра які рэдка гавораць уголас.
У вершах Найдзёнава — туга, страх, пяшчота, стомленасць і надзея, усё тое, што часта хаваецца за стэрэатыпным вобразам «моцнага» мужчыны.
Але гэты спектакль — не толькі пра мужчын. Гэта размова пра чалавека, пра патрэбу быць пачутым і прынятым, пра адвагу паказаць сваю слабасць. І разам з тым у ім не бракуе гумару і самаіроніі.
Працягласць — 60 хвілін.
Мова — беларуская.
Квіткі коштам 70 злотых бярыце па спасылцы.
Арганізатары
