У панядзелак, 19 траўня, у Беластоку — новы занятак «Мова Нанова».
Гэтым разам вы пачуеце творчыя галасы беларускіх паэтак Валянціны Аксак, Дар’і Бялькевіч і Вікці Жытнік.
Валянціна Аксак — аўтарка дзесяці паэтычных кніг, у тым ліку «Кава ў арліным гняздзе», «Трэці Эдэм», «Уцёкі з Палесься» і іншых.
У паэзіі Валянціны прыродныя вобразы цесна пераплятаюцца з біблейскімі гісторыямі і міфамі, ствараючы новыя сусветы.
Дар’я Бялькевіч — аўтарка кнігі «Слёзы на вецер».
У вершах Дар’я расказвае пра складаныя рэчы простымі словамі, выкарыстоўваючы дыялогі, гукапіс і няроўныя рытмы.
Вікця Жытнік — вядоўца курсаў «Мова Нанова» ў Беластоку. Яе вершы ўвайшлі ў альманахі «аБДУмана» і «Альтанка».
Вікця ў сваёй творчасці пераасэнсоўвае навакольны і ўнутраны свет, пазіраючы на рэчы з розных ці незвычайных ракурсаў.
Уваход, вядома ж, вольны, данаты, вядома ж, вітаюцца!
Арганізатары
