Музей Вольнай Беларусі ў Варшаве завяршае свой праект, прысвечаны лічбавізацыі і прадастаўленню доступу да матэрыялаў установы. У межах працы Беларускай музейнай лабараторыі адбылася ўжо чацвёртая тэматычная сустрэча.
Распавядае дырэктарка Музея Наталля Задзяркоўская:
– Гэта праект, накіраваны на адлічбоўку нашых фондаў. І вось лічбавізацыя завяршаецца. Можам сцвярджаць, што крыху больш паловы нашых фондаў на сённяшні дзень адлічбаваны. Прычым адлічбаваны ў адпаведнасці з міжнароднымі стандартамі.
Пра тое, як прайшоў чацвёрты івэнт, распавёў удзельнік сустрэчы, імя якога мы не раскрываем у мэтах бяспекі.
– На першым варкшопе польская спецыялістка расказвала пра тое, якія існуюць стандарты па адлічбоўцы і прадстаўленні доступу да грамадскіх архіваў. Другі занятак у нас быў прысвечаны тым прафесійным інструментам, якія можна выкарыстоўваць для таго, каб свае архівы маглі выстаўляць не толькі прыватныя асобы, але і інстытуцыі. І трэцяя лекцыя ў нас была прысвечана таму, як трэба апрацоўваць прадметы, якія ты хочаш выставіць на агульны агляд перад адлічбоўкай.
Праект лічбавізацыі фінансуецца Міністэрствам культуры і нацыянальнай спадчыны Польшчы.
Цалкам матэрыял:
Беларускае Радыё Рацыя
