У Падляшскай Оперы 16 сакавіка ўручылі стыпендыі Маршалка Падляшскага ваяводства. Узнагароды атрымалі 36 мастакоў, пісьменнікаў, музыкаў і культурных аніматараў, якія за бліжэйшы год рэалізуюць уласныя творчыя праекты.
Сярод лаўрэатаў — майстрыха Сабіна Кнох, якая плануе развіваць традыцыі ткацтва на памежжы Польшчы, Літвы і Беларусі:
– Займаюся нашымі рэгіянальнымі тканінамі. Гэта лён з воўнай. Атрымліваецца такая тканіна ромбападобная. Яе рабілі ў Сувалках, Сейнах, Аўгуставе – гэта такі рэгіён памежжа з Літвой.
Стыпендыі маршалка Падляшскага ваяводства прысуджаюцца з 2000 года і з’яўляюцца адной з найважнейшых формаў падтрымкі творцаў, звязаных з рэгіёнам. Памер гадавой стыпендыі складае 10 тысяч злотых, паўгадавой — 7 тысяч. Сёлета на стыпендыяльную праграму выдзелена ў суме 348 тысяч злотых: чатыры паўгадавых і 32 гадавыя стыпендыі.
Цалкам матэрыял:
Беларускае Радыё Рацыя
