Ноч з 12 на 13 жніўня стала сапраўдным святам для аматараў астранамічных відовішчаў. На Падляшшы было бясхмарнае неба і выдатныя ўмовы надвор’я, што дазваляла назіраць разнародныя з’явы.
Сярэдзіна жніўня – час, калі кожны год можна назіраць метэорны паток Персеіды, а сёлета зоркі падалі на фоне палярнага ззяння.
📷 Усе здымкі неапрацаваныя. Раім глядзець у поўным памеры, каб палічыць усе знічкі (іх болей, чым падаецца).
Можна было таксама назіраць прыгожае злучэнне Юпітэра і Марса, планеты былі надзвычай блізка адна да адной.
Таксама жнівень — ідэальны час для назірання за Млечным шляхам, які распасціраецца па ўсім небе.
Беларускае Радыё Рацыя
