Free Belarus Center ладзіць у Варшаве вялікую імпрэзу да «Ночы расстраляных паэтаў».
Дата: 29 кастрычніка. Час: 19:00. Месца: Каворкінг Free Belarus Center (Mokotowska 24, lok. 64), Варшава.
У чорную ноч з 29 на 30 кастрычніка 1937 года ў Менску расстралялі больш за 100 беларускіх дзеячаў культуры, мастацтва і навукі, а таксама грамадскіх дзеячаў. Чацверты год запар мы ладзім праект Executed poetry, каб захоўвалася памяць аб закатаванай беларускай інтэлігенцыі.
У гэтым годзе да імпрэзы далучацца:
• Васіль Дранько-Майсюк (лекцыя)
• Крысціна Дробыш, Уладзь Лянкевіч, Алесь Плотка (вершы)
• Syndrom Samazvanca (акустычны выступ)
Таксама вас чакаюць відэаінсталяцыя, дабрачынны мерч, паштоўкі палітвязням ды іншае.
Уваход вольны!
Арганізатары
