“Вольны купалавец” Алег Гарбуз працягвае агучваць беларускія кнігі, у тым ліку і класіку. Ён распавёў.
Алег Гарбуз распавёў:
– Скончыў чытаць «Каласы пад сярпом тваім». Зрабіў праўкі, скончана ўжо праца. Гэта 50 гадзін начытанага матэрыялу. Завяршылі кнігу Максіма Знака. Мы з ёй цяжка «бадаліся», мы яе запісвалі нават у чацвярым – Валодзя Пугач, Сяргей Чуб, Валя Гарцуева і я. Складалі, склейвалі, рабілі апрацоўку, рабілі гукавы дызайн, скончылі і аддаём на інтэрнэт-абшары.
А 5-га верасня артыст стане сувядучым фэсту “Graj”, на якім выступяць Naviband, Biaz Nazwy, Niczos & Swada і іншыя музыкі.
Нагадаем, нядаўна артыст быў узнагароджаны медалём Францыска Скарыны за шматгадовую плённую працу на карысць развіцця беларускай культуры.
Беларускае Радыё Рацыя
