Кніга будзе цікавая для эмігрантаў і ў Польшчы, і ў Літве. Яна распавядае пра братоў Еўцаў – сусветна вядомага кампазітара і дырыжора Яўгена Еўца і яго брата Аркадзя Еўца, удзельніка хору Рыгора Шырмы. Кажа пра кнігу “Яўген Евец. Час і людзі” вядомы культурніцкі дзеяч на Падляшшы і кіраўнік музея “Малой бацькаўшчыны” ў Студзіводах Дарафей Фіёнік. Гэтая кніга выйшла накладам 400 паасобнікаў дзякуючы Дарафею Фіёніку і яго дзецям.
Як кажа Дарафей Фіёнік, Еўцы, якія родам з Падляшша, з вёскі Дубіны пад Гайнаўкай, унеслі вялікі ўклад у развіццё беларускай і расейскай культуры ў эміграцыі, асабліва Яўген Евец:
-Яўген Евец у міжваеннай Вільні рэалізаваўся для сваіх беларусаў. У Варшаве, куды трапіў у 1933, вучыўся, пасля працаваў на польскім Радыё Варшава. Квартэт быў такі славуты, вакальны, ён спяваў у тым квартэце. А калі ён апынуўся ў эміграцыі, у Марока, у Францыі, перш за ўсё працаваў для расейскай эміграцыі. Бо ён бачыў, што ён патрэбны для гэтых людзей.
Паводле Дарафея Фіёніка, у кнізе надрукавана шмат рэдкіх здымкаў, у тым ліку ніколі не публікаваны раней здымак 1935 года хору Беларускага студэнцкага саюзу, якім кіраваў Рыгор Шырма.
А на Падляшшы ў музеі “Малой бацькаўшчыны” зараз праходзіць выстава “Свет музыкі Яўгена і Аркадзія Еўцаў”, дзе прэзентуюцца арыгінальныя рэчы: ноты, касцюмы, карэспандэнцыя, здымкі ды іншыя рэчы. Выстава будзе доўжыцца некалькі месяцаў.
Цалкам гутарка:
Беларускае Радыё Рацыя
