Сёлета ў інтэрнэт-прасторы з’явіўся новы рэсурс для беларусаў, якія цікавяцца ісламам на сваёй мове: партал BelIslam.
Праект уяўляе сабой сайт і аплікацыю для Android, якія накіраваныя на адраджэнне і падтрымку ісламскай традыцыі ў беларускамоўным кантэксце.
Як адзначае дактарант этналогіі Карлава універсітэта (Прага) Вадзім Сідараў, для Літвы-Беларусі іслам не з’яўляецца чужой рэлігіяй:
– Гэта таксама беларуская спадчына. Вядома, што ў свой час арабская пісьмовасць спрыяла развіццю беларускай мовы, таму што нейкія адметныя рысы простай мовы, як яна называлася ў тыя часы, былі захаваныя дзякуючы асаблівасцям арабскага пісьма.
Праект BelIslam прапануе кантэнт для ўсіх беларусаў, якія хочуць пазнаёміцца з ісламам і мясцовай культурнай традыцыяй рэлігіі на роднай мове, незалежна ад таго, ці з’яўляюцца яны мусульманамі. Каманда праекта падкрэслівае, што ініцыятыва не мае палітычнага кірунку і не звязана з замежнымі суполкамі.
Партал BelIslam: Гісторыя Ісламу ў Беларусі
Цалкам матэрыял:
Беларускае Радыё Рацыя
Фота партала BelIslam.
