“Мова Нанова ў Беластоку” запрашае на сустрэчу, прысвечаную вітанню вясны.
Пра тое, як правільна гукаць Вясну, раскажа мастачка, выкладчыца курса традыцый і рамяства «Бабуля казала» Таццяна Савіч. У праграме – традыцыйныя карагоды і гульні, запеўкі, птушкі для Гукання вясны.
Мерапрыемства пройдзе ў межах бясплатных моўных заняткаў «Мова Нанова». Гэта будуць першыя заняткі ў гэтым сезоне. Пачатак сёння а 19-ай гадзіне ў беларускім хабе «Новая Зямля». Уваход на мерапрыемства вольны, але данаты – вітаюцца.
