У Падляшскай оперы і філармоніі адбылася прэс-канферэнцыя, прысвечаная 70-му юбілейнаму мастацкаму сезону 2024/2025 гг. Установа падрыхтавала багатую праграму: ужо 4-га кастрычніка адбудзецца інагурацыйны сімфанічны канцэрт.
Тым не менш будынак OiFP чакае рамонт у 2025-26 гадах, пра што і распавёў Сябра Ўправы Падляшскага ваяводства Яцэк Пярунэк:
– Элементы механікі, платформы, пад’ёмнікі, якія тут размяшчаюцца. Гэта і рамонт асвятлення, і рамонт мультымедыя. У цяперашні час мы нясем сапраўды вялікія выдаткі на эксплуатацыю мультымедыйных прылад. Іх трэба замяніць на больш сучасныя. У 2025 годзе будзе пададзена такая заяўка, 50 мільёнаў злотых. У тым ліку і ўласны ўнёсак Маршалкоўскай управы ў памеры 11 мільёнаў злотых.
Дырыжор OiFP Міраслаў Яцэк Блашчык запэўніў, што праграма сезона цікавая і насычаная, але ў ёй заўсёды знойдзецца месца для ахвотных беларускіх кампазітараў і выканаўцаў:
– Па розных прычынах я проста страціў кантакты. У 1990-я я быў у Акадэміі музыкі ў Мінску, можа, разоў пяць. Быў абмен дырыжорамі, быў абмен кампазітарамі. На дадзены момант гэтыя кантакты цалкам зніклі. Гэта справа рэжыму Лукашэнкі. Гэта самае страшнае.
Сярод важных мерапрыемстваў сёлетняга сезона Падляшскай оперы і філармоніі ўжо 20 кастрычніка, у 40-ю гадавіну смерці кс. Ежы Папялушка, адбудзецца канцэрт у гонар благаслаўлёнага мучаніка «Памяць і малітва». Інагурацыйны сімфанічны канцэрт адбудзецца 4-га кастрычніка.
Праграма 70-ага юбілейнага мастацкага сезона 2024/2025 гг Падляшскай оперы і філармоніі
Беларускае Радыё Рацыя
