12 верасня ва ўзросце 77-мі гадоў памерла акторка Галіна Дзягілева. Пра гэта ў сацсетках напісалі яе сябры, заўважыла “Зеркало”.
Дзягілева вядомая як стваральніца паэтычнага тэатра “Зніч”, які з’явіўся ў 1989 годзе. 17 гадоў актрыса працавала ў Віцебскім тэатры імя Якуба Коласа, пасля чаго перайшла ў Белдзяржфілармонію. Там і занялася стварэннем новага калектыву. Тэатр «Зніч» меў сваю залу ў Чырвоным касцёле. Летась у лютым акторку адправілі на пенсію, калектыў спыніў існаванне.
Развітанне з Галінай Дзягілевай адбудзецца заўтра на менскіх Паўночных могілках
