У Менску выйшла з друку арыгінальная паштоўка, прысвечаная класіку беларускай літаратуры, паэту, празаіку, драматургу, публіцысту, перакладчыку, кінасцэнарысту, аўтару збору твораў у 25 тамах Уладзіміру Караткевічу (1930-1984). У аснову паштоўкі лёг партрэт беларускага мастака Генадзя Грака.
З адваротнага боку паштоўкі напісана, хто такі Уладзімір Караткевіч і яго радкі з нарыса “Зямля пад белымі крыламі”, 1972 г.: “Любіце гэтую сваю святую зямлю аддана і да канца. Іншай вам не дадзена, дый непатрэбна”. Побач з радкамі намаляваны васількі.
Наклад паштоўкі ўсяго 200 паасобнікаў.
Беларускае Радыё Рацыя
