У суботу, 22 лютага, клуб «Invictus 1863» ладзіць у Беластоку ў Chill Time Cafe (ul. Sw. Rocha 5/32) паўстанцкі салон.
Наведнікаў чакае гістарычная вечарына, дзе адновіцца атмасфера інтэлектуальных і творчых салонаў эпохі паўстання 1863 года.
У атмасферы таемных салонаў вы:
- паслухаеце музыку, якая натхняла пасіянарыяў;
- паграеце у аўтэнтычныя карты таго часу і выпрабуеце сваю ўдачу;
- паслухаеце і заспяваеце паўстанцкія песні;
- паспрабуеце разабрацца ў таямніцах плянавання Паўстання;
- вывучыце танцы XIX стагоддзя пад кіраўніцтвам майстроў гістарычных танцаў;
- пасмакуеце стравы і напоі, што елі і пілі нашыя продкі;
- праверыце веды ў гістарычнай віктарыне — хто лепш ведае гісторыю Паўстання;
- зробіце маляўнічыя здымкі ў тэматычнай фотазоне;
- будзе атракцыя і для дзяцей — з сапраўднай мапай Паўстання, каб яны таксама змаглі адчуць дух часу;
- кожны ўдзельнік атрымае асобнік газеты «Мужыцкая праўда».
Дрэс-код: для дам — спадніцы альбо сукенкі (крыналіны, шалі, гістарычныя аксесуары вітаюцца); для спадароў — неспартовая вопратка (фракі, касцюмы-тройкі, мундуры або строі ў стылі паўстанцаў 1863 года вітаюцца). Наяўнасць бальных пальчатак незалежна ад полу ўдзельнікаў вітаецца таксама.
Удзел — 100 злотых на уваходзе.
Арганізатары
