“Пэндзлі замест аўтамату” – у Сейме Літвы 12 студзеня адкрыецца выстава прац беларускіх мастакоў пад такой назвай. Яна будзе прымеркавана да Дня абаронцаў Свабоды Літвы, які адзначаецца 13 студзеня і будзе прысвечаная памяці беларусаў, якія загінулі таксама за Свабоду, але Украіны.
Выставу арганізавалі Таварыства беларускай культуры ў Літве на чале з Алесем Адамковічам сумесна з Міжнародным дабрачынным фондам «Валошка» (Украіна) сумесна з літоўскімі ўладамі.
Як кажа Алесь Адамковіч, выстава прысвечаная ваенным падзеям на Данбасе – уварванню Расеі і акупацыі ёй украінскай тэрыторыі:
-Таму яна якраз сутыкаецца з тэматыкай тых далёкіх падзей 13-га студзеня і сведчыць, што змаганне з расейскім агрэсарам працягваецца і па сённяшні дзень.
З літоўскага боку выставу будзе курыраваць дэпутат Сейма Літвы Жыгімантас Павілёніс.
-Дарэчы, на адкрыцці, якое адбудзецца ў панядзелак а 10-й гадзіне, ён прамовіць сваё слова. З яго выступу і распачнецца выстава.
На выставе “Пэндзлі замест аўтамату” ў Сейме Літвы прадставяць 20 экспанатаў беларускіх мастакоў, якія былі напісаныя ў 2015 годзе, бо астатняя частка прац была знішчана ў Беларусі пасля выставы ва ўкраінскай амбасадзе.
Выстава будзе працаваць з 12 па 21 студзеня ў ІІ корпусе Сейма Літвы, пропуск на выставу непатрэбны.
Цалкам гутарка:
Беларускае Радыё Рацыя
