Выдавецтва “Янушкевіч” анансавала выхад пятай часткі сагі Анджэя Сапкоўскага пра Ведзьмара з назвай “Хрышчэнне агнём”. Да 17 чэрвеня можна замовіць кнігу са зніжкай, продажы пачнуцца 21 чэрвеня.
«Выдавецтву, каб выжыць, трэба актыўна шукаць і выдаваць тыя кнігі, якія маюць попыт у нашых чытачоў», – кажа выдавец Андрэй Янушкевіч.
– Cёння чытач стаў больш патрабавальны. Ён хоча чытаць тых аўтараў, тыя жанры, якія любіць. І задача выдавецтва задаволіць гэты попыт, пашырыць свой асартымент. Сэнс існавання любога выдавецтва – гэта заўсёды чытачы.
Пераклад з польскай мовы на беларускую кнігі “Хрышчэнне агнём” зрабіла лаўрэатка Прэміі Карласа Шэрмана Кацярына Маціеўская.
Сага Анджэя Сапкоўскага пра ведзьмара Геральта — адзін з найвядомейшых узораў літаратуры ў жанры фэнтэзі. Героі кнігі даўно сталі культавымі персанажамі сярод чытачоў па ўсім свеце.
Беларускае Радыё Рацыя
