Гісторык Аляксей Ластоўскі выявіў цікавы эпізод з гісторыі беларускай этнаграфіі: пляменніца Юзафа Пілсудскага, Ванда (дачка малодшага брата маршалка Адама), падчас студэнцкіх этнаграфічных экспедыцый збірала і запісвала беларускія народныя песні ў Мосары (сёння Глыбоцкі раён Віцебскай вобласці).
Як адзначае Ластоўскі, Ванда не толькі падарожнічала па вёсках, але і дакладна фіксавала песні, якія адлюстроўвалі мясцовыя традыцыі і культуру:
– Размова ідзе пра дачку малодшага брата Юзафа Пілсудскага Адама, які жыў у Вільні. Яна вучылася ў гімназіі Адама Міцкевіча. Запіс народнай песні, зроблены Вандай Пілсудскай, не адзінкавы факт, гэта хутчэй адлюстраванне агульнай тэндэнцыі. На той момант сядзіба ў Мосары належыла сваякам Пілсудскіх. Агулам беларуская мова для Пілсудскіх была не чужой.
Паводле Ластоўскага, запісы Ванды Пілсудскай цяпер становяцца каштоўнай крыніцай для даследчыкаў беларускай этнаграфіі і музычнай культуры пачатку XX стагоддзя.
Цалкам матэрыял:
Беларускае Радыё Рацыя
Фота з архіва Аляксея Ластоўскага.
