Праект ДСП ад фронтмэнаў гурта “РСП” Дзяніса Тарасенкі і Паўла Гарадніцкага выступіў у Варшаве. Падчас імпрэзы артысты згадалі песні, створаныя імі яшчэ ў студэнцтве.
Падзея адбылася на пляцоўцы “Прастора”. “Гэта таксама сімвалічна”, – распавёў нашаму радыё Дзяніс Тарасенка.
– Ну вось якраз у нечым падобным мы і пачыналі свой творчы шлях. Гэта былі студэнцкія аўдыторыі, падобныя такія крэслы, нейкае падобнае імправізаванае. Усё, што пад рукой маглі знайсці, на сцэну і ўпіхнулі.
РР: Вы што-небудзь плануеце мяняць у праекце ДСП?
– Мы мяняем на заднім фоне – заўсёды розныя алені ў нас вісяць. То бок не было паўтораў, ні адзін алень у нас не паўтараўся на канцэртах.
РР: Чаму менавіта алень?
– Гэта так павялося. Вы ўсё зразумееце, калі паслухаеце пра што мы спяваем.
Падзея была прымеркаваная да Міжнароднага жаночага дня.
Цалкам матэрыя слухайце ў далучаным файле:
Беларускае Радыё Рацыя
