Прагаласуй за сваіх!
Свада і Нічас на Еўрабачанні 2025.
У фінале польскага адбору на Еўрабачанне будзе і падляшскі акцэнт! І то не абы-які.
А Фінал адбудзецца ў Дзень святога Валянціна, 14 лютага. Трансляцыя фіналу пачнецца ў 20.45 на TVP2.
Свада і Нічас выступяць 6-мі, і вы можаце адправіць за іх смс на нумар 7430.
Свада і Нічас выконваюць песню «Люстэрка» на бельска-гайнаўскім дыялекце беларускай мовы.
Звяртаем увагу, што менавіта галасы тэлегледачоў будуць вызначальнымі ў выбары прадстаўніка Польшчы.
Цікава, што слава пра Сваду і Нічаса дакацілася нават да Беларусі. Аднак там яна мае крыху іншае вымярэнне. Рэжым Лукашэнкі залічыў музыкаў з Падляшша на гэтак званы “чорны спіс”, палічыўшы іх працу «экстрэмісцкімі матэрыяламі».
Лукашэнка ўжо “прагаласаваў”. Надышоў час галасаваць нашаму Падляшшу і нашай беларускай дыяспары ў Польшчы.
Падтрымаць артыстаў можна будзе праз смс-галасаванне падчас жывога канцэрта 14 лютага. Пачатак праграмы – у 20.45.
Нагадаем, сёлета “Еўрабачанне” адбудзецца ўжо 69-ы раз. Фінал міжнароднага конкурсу пройдзе 17 траўня.
фота з bielsk.eu
Беларускае Радыё Рацыя
