15–17 жніўня 2025 года ў легендарнай «Рэспубліцы Біндзюга» пракаціўся пяты па ліку фестываль PREKUPALLE — той самы, які з гонарам носіць тытул “Найгоршы фестываль у свеце”.
На сцэне «біндзюжнай незалежнасці» прагучаў жывы кактэйль з каля дзясятка артыстаў: Naka, Алесь Дзянісаў, гарачая каманда «Курвадзікі», душэўны «Вандроўнік», а таксама харызматны Фёдар Жывалеўскі.
PREKUPALLE нарадзіўся яшчэ ў 2021 годзе і з таго часу штогод адбываецца дзякуючы тым, хто верыць у магію іроніі і ўнікальнай утопіі пад назвай «Рэспубліка Біндзюна». Гэта фэст, дзе ўсё наўмысна “няправільна” — і менавіта таму па-сапраўднаму жыва.
Беларускае Радыё Рацыя
