Беларускі хаб “Новая зямля” у Беластоку запрашае на сустрэчу з Алесем Белым — адным з лепшых знаўцаў традыцыйнай кухні.
На прэзентацыі яго новай кнігі «Самы Цымус» наведвальнікаў чакае 15 захапляльных нарысаў і некалькі дзясяткаў арыгінальных рэцэптаў. Гэта цудоўны шанец паслухаць эксперта, які ведае ўсё пра традыцыйную кухню, адкрыць для сябе неверагодныя стравы беларускай і габрэйскай кухні, пазнаць іх гісторыю і сакрэты прыгатавання.
Кнігу можна будзе набыць на месцы, а аўтар будзе рады падпісаць асобнік.
Мерапрыемства пройдзе 2 кастрычніка 18.30 у хабе “Новая зямля” (ul.Wyszyńskiego 6A).
