У суботу, 31 студзеня, у Музеі Вольнай Беларусі (Foksal 11) адбудзецца прэзентацыя выставы «Беларусь. Галасы забароненых кніг», а таксама сустрэча з «забароненым» аўтарам, гісторыкам Алесем Смаленчуком. Пачатак 15.00.
Прэзентуе выставу старшыня беларускага ПЭНа Таццяна Нядбай.
Алесь Смаленчук прапануе паразважаць на тэму «Забаронена чытаць: чаму ўлады баяцца кніг», паглядзець на забарону кніг як на ўстойлівую палітычную і гістарычную практыку.
Чаму кніга застаецца пагрозай для аўтарытарнай улады? Якія тэмы, словы і інтэрпрэтацыі гісторыі выклікаюць найбольшы страх? І што насамрэч стаіць за спробамі забараніць чытанне?
Асобнае месца ў размове зойме асабісты досвед аўтара: пад забаронай яго кніга «“Вызваленыя” і заняволеныя. Польска-беларускае памежжа 1939–1941 гг. у дакументах беларускіх архіваў».
Уваход вольны.
Арганізатары
