Чарговы дзень фестывалю «Kołowrotek» у вёсцы Пухлы стаў сапраўдным святам супольнасці, сузірання і адпачынку.
Удзельнікі пачалі раніцу кветкавым шпацырам да ракі разам з Майрай Вайцяховіч, вядомай сваімі кветкавымі мандаламі. Пасля адбылася культурная вандроўка з Міраславам Стэпанюком — аўтарам і ахоўнікам ландшафтавай спадчыны Падляшша, які правёў гасцей праз знакавыя мясціны вакол Пухлаў:
– Рэалізуем у рамках праекту «Kołowrotek» культурны шпацыр, або наведванне нашых цікавых аб’етаў архітэктуры, але таксама былі над рэчкай. Расказваем турыстам, гаворым пра гісторыю, пра традыцыі, пра архітэктуру.
У нядзелю, 27 ліпеня, фестываль «Kołowrotek» перанясецца ў вёску Сацы, дзе ўдзельнікаў чакае насычаная праграма: выстава тканін, кулінарны прыпынак з бабчынымі стравамі, спевы і аповеды. Акрамя гэтага ў Трасцянцы а 12-й адбудзецца спаткаванне з Віктарам Стахвюком і яго гасцямі — гуртом Souvenir.
Беларускае Радыё Рацыя
