24-28 чэрвеня ў Літве ў Эйшышкісе, ля мяжы з Беларуссю, пройдуць паэтычныя сустрэчы, аўтарскія вечары, кінапаказы, канцэрты, выставы і паездкі па маляўнічым наваколлі.
Шматгадовым арганізатарам Міжнароднага фестывалю паэзіі “Май над Віліяй” з’яўляецца Рамуальд Мячкоўскі, прыхільнік шмакультурнай прасторы былога Вялікага Княства Літоўскага.
– І польская культура больш багатая тым, што мае ў сябе беларускія элементы, той самы Адам Міцкевіч і ягоны Наваградак, і шмат іншых асоб, мае таксама літоўскія элементы або ўкраінскія, то бок такое стэрэа. І гэты фестываль будзе адбывацца ля граніцы з Беларуссю. Будзем прэзентаваць вершы, дыскутаваць на фільмамі, аналізаваць дакументы гэтай зямлі.
«Сярод іншага мы наведаем Салечнікі, каб пабачыць мясціны, дзе Адам Міцкевіч назіраў за абрадам «Дзядоў». Мы пакажам шматнацыянальную гісторыю рэгіёна», – паведаміў Рамуаль Мячкоўскі.
Цалкам матэрыял:
Беларускае Радыё Рацыя
