Беларускаму рэгі-гурту Botanic project споўнілася 18 год. У гонар даты музыкі зладзілі вялікі канцэрт ў клубе Scena Chmielna. Спецыяльным госцем імпрэзы выступіў Murovei, з якім артысты запісалі сумесную кампазіцыю “Заново”.
Пра падзею і важны ўзрост калектыву распавялі яго ўдзельнікі Клім і Кеша:
– Пераходная дата для чалавека, чалавек робіцца ўжо дарослым, адказвае за свае ўчынкі. Яму ўжо больш дазваляецца, ён ужо мае больш правоў і абавязкаў. І вось мы дайшлі да гэтага моманту таксама.
– Хацелася б закончыць работу над нашым новым альбомам, таму што ён вельмі добры. Гэта будзе цікавы эксперымент. Не такі, як мы рабілі раней, хіп-хопавы. А больш для ўсіх – для мамаў і татаў. Там будзе 8 песень. Я думаю, што нашыя слухачы будуць прыемна здзіўлены.
Дакладную дату выхаду новага альбому музыкі пакуль не называюць, але плануюць, што рэліз адбудзецца бліжэйшай зімой ці вясной.
Цалкам матэрыял:
Беларускае Радыё Рацыя
