Беларускі гурт “Разбітае Сэрца Пацана” зладзіць у Варшаве вялікі электрычны канцэрт. Ён адбудзецца 1 чэрвеня ў Odessa Club.
“Акрамя вядомых песень, на імпрэзе прагучаць і 3 новыя кампазіцыі”, – распавёў удзельнік калектыву Павел Гарадніцкі.
– Мы нездарма прызначылі гэты канцэрт на 1 чэрвеня. Гэта Міжнародны дзень дзяцей. Я лічу, нам важна ў гэты дзень выгуляць свайго ўнутранага дзіцёнка нягледзячы на тое, што мы дарослыя і сур’ёзныя людзі. Вельмі важна заставацца цікаўным, адкрытым да жыцця чалавекам. Гэтым канцэртам мы распачынаем свой летні сезон. У нас будзе тры выступы на фестывалях у Польшчы.
Дарэчы, сёлета гурт “РСП” зайграе і на фэсце “Тутака” пад Беластокам.
Марына Савіцкая, Беларускае Радыё Рацыя
