Гэта — частка экспазіцыі, прысвечанай Беластоку 1939 года. Выстава пад назвай «Мінулае вачыма сучаснасці» распавядае аб апошнім годзе перад пачаткам савецкай акупацыі, паведаміў супрацоўнік Музея памяці Сібіры Пётр Боско.
— Таксама мы хацелі паказаць, як змяніўся Беласток у перспектыве гэтых некалькіх дзясяткаў гадоў, як розніцца Беласток 1939-41 гадоў ад Беластока, які мы ведаем сёння. Таму гэтыя шыльды былі размешчаны ў месцах, добра вядомых жыхарам Беластока і, думаю, людзям па ўсёй краіне. У месцах, якія мы можам назваць перлінамі нашага горада, як, напрыклад, двор палаца Браніцкіх.
Музей памяці Сібіры размясціў сем адпаведных шыльдаў у цэнтры горада: дзве з іх з’явіліся ля палацу Браніцкіх, іншыя — на вуліцы Ліповай і рынку Касцюшкі.
Беларускае Радыё Рацыя
