5 кастрычніка, у суботу, у межах фэста Kierunek Wschód ў Беластоку адбудзецца прэм’ера спектакля «Па што ідзеш, воўча?» паводле Святланы Курс (Евы Вежнавец).
Дата: 5 кастрычніка. Час: 16.00 і 20.00 (час мясцовы). Месца: Uniwersyteckie Centrum Kultury, Ciołkowskiego 1N, Беласток.
Будуць два паказы — у 16.00 і 20.00.
Пасля паказу а 16-й адбудзецца сустрэча з камандай праекту і аўтаркай аповесці «Па што ідзеш, воўча?» Святланай Курс.
Рына — алкагалічка, ей каля 40. Яна вяртаецца з Дармштадта ў сваю родную вёску на Палессі, у Беларусі, на пахаванне сваёй 102-гадовай бабулі.
За сваё доўгае жыццё бабуля перажыла дзве вайны, дзевяць змен улады і перанос межаў у роднай вёсцы.
У плыні свядомасці, у якой унутраны маналог унучкі цяжка адрозніць ад маналогу бабулі, падымаецца доўга забытая і падаўленая тэма: каланізацыя Усходняй Еўропы.
Удзел бяруць Моніка Давідзюк, Вольга Грыгараш, Яўгенія Кульбачная, Святлана Зелянкоўская.
Рэжысура і сцэнічны дызайн — Моніка Дабраўлянска
Мовы — беларуская, польская, украінская, руская, нямецкая.
Праграму фэста цалкам глядзіце па спасылцы.
Арганізатары
