У пятніцу, 5 красавіка, у Варшаве адбудзецца творчая сустрэча з фатографкай, рэжысёркай Ксеніяй Галубовіч.
Дата: 5 красавіка. Час: 18.00 (час мясцовы). Месца: prastora_bel, Hoża 41, lok 2, Варшава.
Як журналістка спадарыня Ксенія працавала з шэрагам незалежных беларускіх і замежных СМІ, займалася дакументальнай фатаграфіяй.
Працавала над праектамі пра правы чалевека, праблему псіхічных захворванняў, сацыяльныя праблемы, рабіла фатаграфіі ў кавіднай рэанімацыі і ў лагеры ўцекачоў.
З 2021 года Ксенія развівае праект пра крызіс уцекачоў «Я зрабіў памылку, што прыехаў сюды».
На сустрэчы спадарыня Ксенія раскажа, як трапіць у кавідную рэанімацыю, пераночыць у лагеры бежанцаў на Беларуска-Польскай мяжы, пра здымкі людзей на вайне, у псіханеўралагічным інтэрнаце, у хоспісе і пра ўсё, на што хопіць часу.
Раскажа пра працу з замежнымі калегамі з вядомых СМІ і пра тое, як будаваць камунікацыю з рознымі рэдакцыямі (пра поспехі і памылкі).
А яшчэ абавязкова пагавораць пра этыку: як быць блізка да герояў, але не парушыць асабістыя межы і не нашкодзіць людзям.
Уваход вольны, будуць удзячныя за данаты.
Арганізатары
