Танцавальны калектыў з Беластока «Падляшскі вянок» завяршыў свой чарговы, дзявяты па ліку сезон. З гэтай нагоды, а таксама з нагоды заканчэння навучальнага года ў таварыстве бацькоў і дзяцей, што вывучаюць беларускую мову АБ-БА калектыў даў невялікі канцэрт у непублічнай школе імя святых Кірыла і Мяфодзія.
Гаворыць мастацкі кіраўнік і харэограф калектыва – Аксана Прус.
– Тая праца якую зрабілі, яна ў нас атрымалася. Атрымаліся ўсе нашыя праекты якія мы планавалі, удалося патаньчыць на агульнапольскіх конкурсах танцаў, і ўдалося проста папрацаваць на гэта прыемнай залі ў школе Кірыла і Мефодыя. Тут нас дырэктар сустрэў вельмі прыемна.
Цалкам матэрыял слухайце ніжэй:
«Падляшскі вянок» – дзіцячы танцавальны калектыў у Беластоку. У рэпертуары якога пераважна беларускія песні ды танцы. Лаўрэат шматлікіх конкурсаў і ўдзельнік міжнародных канцэртаў ды фестываляў.
Юрась Дзяшук, Беларускае Радыё Рацыя
