Толькі гэтымі днямі стала вядома, што трагічна загінуў у Полацку былы лідар-гітарыст славутага полацкага гурта «Мясцовы час» Валеры Драко.
Гурт “Мясцовы час”. Валеры Драко першы злева.
Паводле полацкіх музыкаў, Валеры заснуў з непатушанай цыгарэтай і загінуў у пажары. Адбылося гэта два месяцы таму.
Валеры Драко з’яўляўся лідар-гітарыстам гурта ад заснавання. Удзельнічаў у запісе ўсіх альбомаў калектыву, аўтар музыкі большасці песень.
Пасля таго, як у 2000 годзе гурт распаўся, Валеры працаваў гукааператам у полацкім гарадскім Палацы культуры.
Гэта ўжо другі былы ўдзельнік «Мясцовага часу», які пайшоў з жыцця. У 2012 годзе не стала бубнача і аўтара шэрагу тэкстаў песень гурта Аляксандра Свідрыцкага.
Былы лідар і вакаліст калектыву Алесь Кузьмін з 2001 году жыве ў Нямеччыне.
Беларускае Радыё Рацыя
