У панядзелак, 2 сакавіка, у кракаўскай Прасторы (ul. Mikołajska 4/6) адбудзецца творчая сустрэча з юрыстам, літаратарам, былым палітвязнем Максімам Знакам. Пачатак 20:00.
У 2020 годзе ён быў адвакатам Святланы Ціханоўскай, Віктара Бабарыкі і Марыі Калеснікавай, у верасні таго ж года быў затрыманы і асуджаны на 10 гадоў зняволення.
З 9 лютага 2023 года знаходзіўся ў статусе інкамунікада, цалкам пазбаўлены сувязі з адвакатамі і членамі сям’і.
13 снежня 2025 года, разам з вялікай групай палітзняволеных прымусова вывезены з Беларусі ва Украіну. Жыве ў Польшчы.
Яго кніга апавяданняў «Зэкамерон», напісаная ў першы год зняволення, выдадзеная на беларускай, расейскай, ангельскай, нямецкай, шведскай і дацкай мовах.
Падчас сустрэчы спадар Максім раскажа пра сваю кнігу, падзеліцца ўспамінамі пра час яе напісання і адкажа на пытанні. Прагучаць старыя і новыя песні.
Сустрэча ладзіцца ў межах праграмы ArtPower Belarus.
Арганізатары
