З нагоды 83-й гадавіны ўтварэння беластоцкага гета ў сталіцы Падляшшы былі адкрыты яшчэ дзве мемарыяльныя дошкі. Памятныя знакі ўмуравалі у тратуары на месцах брамы гета ў яго першапачатковых межах 26 ліпеня 1941 года. Дошку на вуліцы Фабрычнай, на рагу плошчы Вызвалення адкрыў супрацоўнік Беластоцкага цэнтра культуры Марыюш Бецюк:
— Рэфлексія нагадае, што тут было гета і што на гэтым месцы праходзілі межы. Гета было створана 26 ліпеня, гэта 83-я гадавіна стварэння гэтага гета. Летась мы адкрылі дзве дошкі ў памяць аб дзвюх галоўных брамах, сёлета адкрываем яшчэ дзве на астатніх брамах. Было чацвёра брамаў, усе чатыры цяпер ушанаваныя.
Другая мемарыяльная дошка была адкрыта ля вуліцы Чыстай і плошчы Феліцыі Рашкін-Новак. Арганізатарамі цырымоніі з’яўляюцца гарадскія ўстановы культуры: Беластоцкі цэнтр культуры і Галерэя імя Слендзінскіх.
Беларускае Радыё Рацыя
