16 лістапада 2025 года ў 11:00–13:00 у Chill Time Club (вул. Св. Роха, 5, лок. 32, Беласток) адбудзецца ўрачыстае адкрыццё выставы дзіцячых малюнкаў «Дзеці для дзяцей». Вернісаж аб’яднае творчасць юных мастакоў і дабрачынную ініцыятыву ў падтрымку дзяцей беларускіх палітвязняў.
На выставе будзе прадстаўлена больш за 50 яркіх і кранаючых работ, створаных дзецьмі рознага ўзросту. Кожная карціна адлюстроўвае дзіцячае бачанне свету, поўнае фантазіі, цяпла і шчырасці. Наведнікі змогуць не толькі атрымаць асалоду ад мастацтва, але і набыць упадабаныя малюнкі. Частка сродкаў, атрыманых ад продажу, будзе накіравана на дапамогу дзецям беларускіх палітвязняў.
«Гэтая выстава – не проста дэманстрацыя дзіцячай творчасці, але і магчымасць для кожнага з нас унесці ўклад у добрую справу. Дзеці малююць для дзяцей, і мы спадзяемся, што іх работы знойдуць водгук у сэрцах наведвальнікаў», – адзначаюць арганізатары.
Запрашаюцца ўсе ахвотныя на адкрыццё выставы 16 лістапада! Уваход вольны. Выстава будзе працаваць цягам некалькіх тыдняў.
Кантакты для СМІ і дадатковай інфармацыі:
e-mail: [email protected]
