Беластоцкая мастацкая галерэя «Маршанд» парадавала аматараў выяўленчага мастацтва новымі выданнямі. Гэта каталог сяброў галерэі «Маршанд» і новы нумар часопіса «Marchand».
Кажа кіраўнік галерэі Януш Жабюк:
– Маем новы каталог «Маршанда». Ён утрымлівае інфармацыю пра сяброў галерэі «Маршанд». Маем таксама новы нумар часопіса «Marchand». Нумар падводзіць вынікі другой паловы мастацкага 2024 года. За год у нас выходзіць два нумары часопіса, адзін нумар паводзіць вынікі першага паўгоддзя, а другі – другога паўгоддзя.
Беласток адзін з нямногіх гарадоў у Польшчы, дзе выходзіць часопіс па выяўленчым мастацтве. У ім адлюстроўваецца мастацкае жыццё сталіцы Падляшша, распавядаецца пра мастакоў і пра выставы, якія праходзілі ў галерэі «Маршанд».
Беларускае Радыё Рацыя
