У Беластоку ідзе падрыхтоўка да пастаноўкі на сцэне драматычнага спектакля-містэрыі «Інсургенты».
Гэта п´еса пра паўстанцаў, пра тых, хто мужна паўстаў супраць ворага за вольнасць Радзімы, ахвяраваў сабою дзеля свабоды і незалежнасці бацькаўшчыны. Тэма п´есы актуальная да гэтага часу, гаворыць рэжысёр пастаноўкі Уладзь Лісоўскі:
– Тэма, каторая там падымалася, тэма волі, тэма таго, як набыць гэтую волю, і на колькі яна для нас важная, што мы гатовыя за яе заплаціць. Мы знайшлі гэтую тэму ў п’есе «Інсургенты». Я хацеў усё ж такі адчуваць повязь мінулага з сённяшнім часам. Мне хацелася б, каб гэтае мінулае існавала недзе ў маім сэрцы, каб яно натхняла ў сённяшнія часы.
Сябры суполкі “Вольнай Беларусі” ў Беластоку, рэжысёр і акцёры звяртаюцца да ўсіх добрых людзей дапамагчы сродкамі на пастаноўку спектакля, які павінен адбыцца 30 красавіка ў Беластоку.
Падтрымаць ініцыятыву данатамі можна па спасылцы.
Цалкам гутарку слухайце ў далучаным файле:
Беларускае Радыё Рацыя
