У беластоцкай галерэі імя Сляндзінскіх прайшла сустрэча з паэтам і эсэістам, Ежым Плютовічам. Удзельнікі маглі пачуць новыя творы літаратара, якія выйдуць у друку яшчэ да канца таго года. Сустрэчу вёў старшыня Фонда Суседзі і выдавец паэтычных томікаў паэта, Андрэй Каліноўскі. У размове з ім Ежы Плютовіч расказваў пра творчасць, філасофію і сваё жыццё і захапленні.
— У гэтым мяне цікавіць тое, што я назваў абаронай вялікага мадэрнізму, вялікай эпохі, якая мінула, і сёння гэтая эпоха неяк менш выразная. Няма вялікіх сістэм, вялікіх людзей, якія нешта важнае перадалі. Гэта проста нататкі з нейкіх іншых кніг, нататкі на палях. Нічога новага не выявіла сябе.
Цалкам слухайце ў далучаным гукавым файле:
Ежы Плютовіч нарадзіўся ў Бельску Падляшскім. Скончыў расейскую філалогію ў Варшаўскім універсітэце. Жыве ў Беластоку. Першы том вершаў Niegdyś to znaczy nigdy выйшаў у 1975 г. Тройчы лаўрэат прэміі ім. Вяслава Казанецкага.
Ежы Плутовіч таксама перакладчык, пераклаў, сярод іншага: раманы Сакрата Яновіча і Базыля Петручука.
Беларускае Радыё Рацыя
