Цэнтр беларускай культуры ў Беластоку правёў адзін з заняткаў з серыі майстар-класаў па традыцыйных спевах пад назвай «Песні Беласточчыны». Адмысловая ўвага была нададзена калыханкам, якія былі ўзятыя з фанаграфічных архіваў вядомага беластоцкага фалькларыста Сцяпана Копы.
Кажа ўдзельнік майста-класа Караль Явароўскі:
– У мяне ўжо дзеткі падраслі, наймалодшы мае 5 год, але я думаю файна, каб пасяпяваць ім яшчэ трохі нашай песні. Мая мама калі спявала “люлі-люлі, прыляцелі куры”, а мая жонка знае “люлі-люлі”, нешта іншае, ужо не памятаю. Але файна, каб гэтыя калыханкі паспяваць, іншым дзецям пераказаць.
Доўгатэрміновы эфект супольных спеўных заняткаў для беларусаў адзначыў каардынатар праекта Зміцер Косцін:
– Робіцца ўсё для таго, каб была прастора сустрэцца. Вельмі часта людзі цяпер жывуць работа-дом, і рэдка калі выходзяць. А ёсць магчымасць сустрэцца, пазнаёміцца, падзяліцца думкамі, і магчыма навязаць нейкія сувязі, кантакты.
Цалкам матэрыял:
Арганізатары плануюць прадоўжыць серыю майстар-класаў, прысвечаных традыцыйным спевам Падляшша. На працягу года Цэнтр беларускай культуры правядзе заняткі па абрадавых падляшскіх песнях: велікодных, летніх, песнях ураджаю, вясельных напеваў і калядках.
Фота аўтара:
Беларускае Радыё Рацыя
