У Падляшскім інстытуце культуры адбылася прэзентацыя абноўленай платформы E-tradycja — лічбавай базы, якая збірае інфармацыю пра народных творцаў і фальклорныя калектывы рэгіёна.
Праект створаны, каб захаваць і зрабіць даступнай культурную спадчыну Падляшша.
Кажа намесніца дырэктара Падляшскага інстытута культуры Агнешка Яблоньска:
– Лічбавая база народных калектываў служыць ахове нематэрыяльнай спадчыны і інтэгруе супольнасць народных калектываў. А перадусім служыць рэкламе нашага рэгіёна. Акрамя таго ў калектываў з’яўляцца шанец паказацца не толькі ў нашым рэгіёне, але і ў цэлым па краіне і па-за яе межамі.
Паводле Яблоньскай, платформа E-tradycja сабрала ў адным месцы апісанні больш як 30 калектываў з розных частак рэгіёна, матэрыялы пра іх рэпертуар і фатаграфіі. Сярод прадстаўленых у базе калектываў — таксама два беларускія фальклорныя гурты: ансамбль беларускай песні “Маланка” (Бельск-Падляшскі) і ансамбль беларускай народнай песні “Разспяваны Гарадок” (Гарадок).
Цалкам матэрыял:
Беларускае Радыё Рацыя
Фота аўтара і PIK.
