Беластоцкая галерэя «Marchand» правяла ў Белавежы свой другі мастацкі пленэр. У суботу, 26 кастрычніка, у гатэлі “Białowieski” адбыўся заключны вернісаж.
Кажа кіраўнік галерэі «Marchand» Януш Жабюк:
– Усе, хто ўдзельнічаў у пленэры, з намі ў розны спосаб звязаны: хто звязаны з Падляшшам, нехта звязаны з галерэяй «Marchand», хтосьці звязаны з Падляшскім аўкцыённым домам. І нашай мэтай было: абмен вопытам, абмен поглядамі, мы хочам стварыць адмысловую пляцоўку, штосьці на ўзор Акадэміі, каб мастакі маглі падзяліцца сваімі навыкамі, тэхнікамі, думкамі, і таму склад удзельнікаў мусіць быць досыць шырокі.
У пленэры прымалі ўдзел 15 мастакоў – і не толькі з Падляшша, але і з Варшавы, Сопата, Любліна і іншых польскіх гарадоў. На заключнай выставе было прадстаўлена 30 карцін. Пазней гэтая выстава будзе паказана на іншых мастацкіх пляцоўкаў Беластоку і Польшчы.
Фота з ФБ Бернарды Нікітаровіч.
Беларускае Радыё Рацыя
