У каталіцкім Нацыянальным санктуарыі ў Будславе пачалі новы этап археалагічных раскопак з удзелам валанцёраў, піша Katolik.life.
Гэтыя работы праходзяць паралельна з рэканструкцыяй і рэстаўрацыяй цяперашняга касцёла, які пацярпеў ад пажару ў 2021 годзе. Архітэктурныя і археалагічныя даследаванні праводзяцца з мэтай аднавіць увесь вялікі комплекс будслаўскага кляштара бернардынцаў. У будучыні гэта дазволіць стварыць у Будславе агульнабеларускі «духоўны цэнтр» — такую ідэю выказвалі ўлады.
Што тычыцца рэстаўрацыі цяперашняга касцёла, то яе плануецца цалкам завяршыць толькі ў 2033 годзе. Фінальным этапам будзе аднаўленне інтэр’ераў.
