Новая беларуская анлайн-гульня «Побач» дапаможа развіць моўную інтуіцыю і весела правесці час. Па словах яе аўтара Алеся Дробыша, такая гульня ўжо існуе на іншых мовах.
«Я чакаў з’яўлення яе беларускай версіі, не дачакаўся і таму зрабіў сам», – распавёў Алесь.
-Сутнасць гульні вельмі простая – трэба адгадаць таемнае слова дня. Кампутар яго загадаў. Гульня паказвае, наколькі мая версія блізкая ці далёкая ад загадкі па сэнсе. Менавіта па сэнсе – у гэтым фішка гульні.
Алесь Дробыш дадае, што ствараць гульню яму дапамагае жонка. «Мы абодва – прыхільнікі такіх забаў», – кажа дзеяч. Праверыць свае беларускамоўныя сілы можна на старонцы https://pobach.app/.
Цалкам гутарка:
Беларускае Радыё Рацыя
