У канцы траўня ў Кіеве адбылася першая ў гісторыі краіны ўрачыстая падзея, прысвечаная дню этнічнай згоды і культурнай разнастайнасці – фестываль UNIDAY. Фестываль сабраў пад адным дахам прадстаўнікоў нацыянальных меншасцяў, дзяржаўных інстытуцый і розных грамадскіх арганізацый – усяго каля 45 розных супольнасцяў. Важна, што ў фестывалі паўдзельнічалі і беларусы.
Кажа аўтарка калекцыі беларускіх лялек-мотанак Вольга Пашковіч:
– Мая калекцыя лялек таксама трапіла ў Кіеў. На фестывалі гасцям распавядалі пра палітвязняў, паказвалі, як выглядае жаночая форма ў калоніі, гаварылі пра беларускіх добраахвотнікаў, якія ваююць ва Украіне. Пра выцінанкі, нацыянальныя спевы, знаёмілі людзей з культурай Беларусі, яе гісторыяй. А таксама распавядалі пра тыя праблемы ў краіне, якія існуюць зараз у сувязі з рэпрэсіямі і палітычным становішчам.
Паводле Вольгі Пашковіч, фестываль быў арганізаваны Радай нацыянальнасці Украіны, упаўнаважанага Вярхоўнай Рады Украіны па правах чалавека пры падтрымцы Рады Еўропы. Падзея прайшла ў статусе нацыянальнага форуму культур, дзе кожная нацыя змагла прадэманстраваць сваю ўнікальнасць.
Беларускае Радыё Рацыя
