У Магілёве збіраюцца пабудаваць музейны комплекс у гонар расейскага цара Мікалая ІІ, які ў горадзе правёў першыя дні Лютаўскай рэвалюцыі.
Музейны комплекс плануюць узвесці ў парку Горкага побач з храмам святых Царскіх Страстацерпцаў — у такім чыне ў РПЦ была кананізавана сям’я апошняга расейскага імператара Мікалая II.
Новыя музеі будуць прысвечаныя падзеям пачатку XX стагоддзя, піша «Магілёў анлайн». Сярод асноўных тэм — Першая Сусветная вайна, Стаўка Вярхоўнага галоўнакамандуючага расейскай арміі, сям’я Мікалая II, георгіеўскія кавалеры, Лютаўская рэвалюцыя 1917 года.
Тэрміны рэалізацыі праекту пакуль не называюцца, аднак ужо ёсць эскізы архітэктурнага ансамбля.
Беларускае Радыё Рацыя
