У Музеі Памяці Сібіры адкрылася часовая выстава „Bezkres Sybiru” («Бязмежжа Сібіры»). Прадстаўленыя на ёй творы былі створаны мастакамі па слядох інтэрв’ю з сібіракамі ў супрацоўніцтве з Інстытутам мастацтва Архітэктурнага факультэта Беластоцкай Палітэхнікі.
Кажа куратар выставы Каміль Капанё:
— Мэтай выставы было паказаць, чым была Сібір, але не на ілюстрацыйным роўні, а глыбей. Такім спосабам, каб сучасны чалавек, маючы сродкі і інструменты, змог хоць крыху зразумець існасць Сібіры і адчуць крайнасць эмоцый, што перажылі сібіракі.
Кажа аўтар працы «Не было белых абрусаў», якая стала і афішай выставы, мастачка з гарадзенска-віленскімі каранямі Юстына Саламянка:
— Узор традыцыйны для нашага рэгіёна, характэрны як для Падляшша, так і для Беларусі, бо Падляшша і Беларусь маюць агульную культуру. Я выкарыстала гэты ўзор, бо ён адразу пазнаецца як наш, блізкі. Чырвоная лінія, якая перасякае яго, сімвалізуе драматычныя падзеі ў жыцці сібіракоў.
Цалкам слухайце ў далучаным гукавым файле:
Падчас адкрыцця выставы „Bezkres Sybiru” («Бязмежжа Сібіры») адбыўся перформанс Януша Балдыгі. Выстава працуе да 4 траўня 2025 года і будзе суправаджацца дадатковымі мерапрыемствамі, у тым ліку: куратарскія экскурсіі і адукацыйныя майстар-класы.
Беларускае Радыё Рацыя
