15 студзеня ў судзе Рэчыцкага раёна плануецца разглядаць справу ў дачыненні да вядомага музыкі Андрэя Старушэнкі. Яму інкрымінаваны артыкул «распаўсюд экстрэмісцкіх матэрыялаў». Суддзя Юліяна Лунцэвіч, піша «Гомельская вясна».
Андрэй Старушэнка — гітарыст і адзін з кіраўнікоў найстарэйшага метал-гурта Беларусі EVTHANAZIA. Пасля свайго адраджэння гурт выпусціў шэраг кліпаў на свае сінглы на беларускай мове. Таксама Андрэй арганізоўваў у Рэчыцы шматлікія фестывалі цяжкай музыкі. Працуе мужчына галоўным энергетыкам Рэчыцкага метызнага завода.
