У музеі ў Тыкоціне – будынку сінагогі – адкрылася рэтраспектыўная выстава творчасці Юзафа Харытона да 115-годдзя з дня нараджэння мастака. Пра беларускі складнік асобы мастака-нарадзінца Падляшша распавяла куратар выставы, прафесар Ева Рагалеўска:
– Некалькі гадоў свайго жыццё ён правёў у Беларусі, у Высока-Літоўску. Там жыў, працаваў, там таксама жылі яго бацькі. У бацькі быў млын, усе там скончвалі школу, жылі там. Ён вярнуўся туды пасля вучобы ў Кракаве і ў 1932 асеў у Высока-Літоўску. Перажыў там вайну, дзе стаў сведкам знішчэння габрэйскага гета.
Выстава твораў Юзафа Харытона прадстаўлена ў дзвюх тэматычных версіях: “Тыкоцінскія партрэты” і “Падляшскія краявіды і жанравыя сцэны”. Выставу можна наведаць да 12-га траўня ўключна.
Беларускае Радыё Рацыя
