22-га чэрвеня ў Варшаве на Вісле адбудзецца Купальскае свята. Яго ладзіць тэатральная студыя “Купалінка”.
“Нас чакае вялікая насычаная праграма”, – распавяла кіраўніца аб’яднання Наталля Локіць:
– Праграма – гэта абавязкова пляценне вянкоў, майстар-клас па пляценні вянкоў. Гэта абавязковыя беларускія народныя танцы, беларускія народныя гульні, абавязковыя спевы, майстар-клас па спевах, дзе мы развучым купальскія песні, якія разам заспяваем. Абавязкова нашыя беларускія гурты, а таксама дарослыя і дзеці “Купалінкі”.
Наталля Локіць
“Натуральна, у праграме – вогнішча і пошукі папараць-кветкі”, – дадала Наталля Локіць.
Партнёр свята – Цэнтр Беларускай Салідарнасці. Інфармацыйная падтрымка – Белсат і Беларускае Радыё Рацыя.
Беларускае Радыё Рацыя
